هى الدنيا كده

اصعب حاجة

اول مرة ليا فى المدونة اكتب والموضوع شغلنى اوى,اول مرة ليا اكتب من قلبى كلام ممكن اخلى حد يطلع عليه,اول مرة ليا اتأثر اوى بقراقى لاحد,بس هى الدنيا كده اعدت كتير ادور على عنوان للبوست الجديد بس لاقيت هو ده المناسب

بننانتى وحبابيبى

انا عارفة ان مفيش حد غيركوا هيحس بكل كلمة انا بكتبها وبجد نفسى كل كلمة بكتبها توصلكوا وان شاء الله هتوصل حتى لو محدش فيكوا قرائها هتوصل ان شاء الله.

هى الدنيا كده

عمرى ماكنت اتخيل انى فى يوم من الايام اتحط فى الموقف ده انى احس انى مش هشفكوا مش هنتناقش مع بعض مش هتنخانق مع بعض مش هنقعد نحط فى حاجات ونشيل فى حاجات مع بعض بس هى ديه سنت الحياة ان كل واحد بياخد وقته مع قناعتى التامة انى لازم اسبيكوا دلوقتى اللى انى بجد مش مصدقة ولا حد من اللى حواليا انى متاثره كده.

بس ازاى متاثرش ازاى.

بجد والله

بجد والله هفتقد كل حد فيكوا:

الشيماء:شوشو حبيبت قلبى وقدرى زى ماكنت بقوبلك علي طول ومش ممكن هنسى كلمتك الشهيرة ليه "بت ياشوشو حصل وحصل"وكان فى ناس انتى اكيد عارفهم يعنى اناناسة بتقولى"انتى خلتيها خدت عليكى اوى"اقولها مش مهم خليها براحتها انا مبسوطة ان علاقتها بيا كويس كده عمرى ياشوشو ما هنسى انتى عارفة بس بلاش نسيح صح ولا ايه؟

منمن: مونا ومنمنه ومنى بصى يامنى اتى بجد من اكتر الشخصيات اللى كنت بتبسط كده وهى بتتكلم وبتتناقش وبتعرض وجهة نظرها وبتتبنى دايما الاراء البناة وفى نفس الوقت الاراء الجديدة"التيار المجدد"هافتقدك جدا جدا بس انا عارفة انك اكتر حد ولا بلاش

شوق:"هو فى اخت اسمها شوق"اكيد ديه اكتر كلمة سمعتيها فى حياتك كل لما حد يشوفك يقولك كده صح؟ بس والله احلى اسم دماغ الل.... عندنا ده الاسم اللى بحب اقولهلك يعنى لما شوق تتكلم كله يسكت علشان فى حاجات مهمه اوى هتتقال.

ياسو:ياسمينا اللى حقها مهضوم وسط العيال المفترية ديه بس متنسيش اللى بقولهالك دايما اوعى تسيبى حقك ليهم العيال دول مفترين اوى وبالذات شيماء واللى يعملك حاجة ققوللى وانتى عارفة.

مش هادر اقول كل الناس ومش هادر اقول كل اللى عايزة اقوله علشان النت كله مش هيكفى ولا كل سرفرات الدنيا

مش هنسى

مش عارفة اقول مش هنسى ايه ولا ايه ولا يه,ومن اكتر الحاجات اللى مش ممكن انساها السنة اللى انا اتخرجت فيها يعنى من سنتين نزلت مرة الكلية وكان ساعتها فى شهر مارس تحديدا ولاقيت واحدة من الاخوات جاية وبتكلمنى وهى مكسوفة وبتقولى فى حاجة عايزة اعملها بس خايفة تزعلى قولتلها لا خلاص لاقتها طلعة من شنطتها هدية وقالتلى ده بمناسبة عيد الام وقالتلى ان هى قالت للباقى وهم قولها احسن انا ازعل والله كانت اسعد لحظة فى حياتى ان انتوا تفكروا التفكير بجد والله انا كنت حاسة انى بحبكوا زى ولادى بالضبط ولانى مش مقتنعه بموضوع السن ده خالص ومش بتفرق معايا بس بجد والله هفتقدوا كلكوا

الذكرى

بجد والله هى الذكرى اللى هتجمعنا ان شاء الله مع بعض مش لازم التواصل المباشر زى التليفون والحاجات ديه بعد فترة بتتناسى وانا شخصيا مش بعرف اعملها كويس اهم حاجة التواصل القلبى وبالذكرة والحاجات ديه كلها

future me

موقع جميل اوى ممكن تدخلوا عليه وتحطا كلام يبعتوا ليكوا فى ايميل بعد مده معينه بين 6 اشهر الى 3 سنوات ممكن تكتبوا ذكرى معينه او هدف عايزين تفكروا بيه نفسكوا وانا هاعمل كده ان شاء الله

سلام

سلام دلوقتى مش لانى مثلا مش ادرة اكلمل من كتر التاثر اه اكيد طبعا بس انتوا عارفين مش بحب اكتئب كتير بحب دايما الذكرى الحلوة اللى فتفضل بينا وبعدين بصراحه عايزة انام تصبحوا على خير سسسسسسسسسسسسسسسسسسسسسلام

كل سنة واحنا طيبين

سلامو عليكم:

انا سعيدة جدا

بجد والله رمضان مهما الواحد كان مش مستعد قبل بداية الشهر,مهما كان تعبان ومجهد من كل الاجواء اللى حوليه,مهما كان الاكتئاب موجود من الاحداث المحيطة.

برده رمضان شهر السعادة

الموبيل فصل

انتوا عارفين لما الموبيل بتعكوا بيفصل شحن وبتحاول تروح البيت وتدور علي الشاحن علشان تشحن الموبيل اهو هو رمضان كده بجد والله اول لما بيجى بحس ان انا بتشحن

بتشحن

بتشحن من كل كلمة كل سنة وانتى طيبة اللى بسمعها من الاخوات,بتشحن من كل كلمة كل عام وانتى اللى الله اقرب.من الفوانيس من زينة طعم القرش(اختى الصغيرة)وهى كل شويه رمضان جاى عايزة زينة.

كل سنة وانتوا طبيبن

لكل المسلمين ولكل الاخوان المسلمين طيبين من كل حاجة وحشه طيبين لكل حاجة حلوة طيبين وخلاص

الاجر علي قدر المشقة

حصلت حاجة غريبة انهارده وحنا نزلين بعد الصلاة(من الدور الخامس) كان في زحمة غير طبيعية والناس بتنزل ببطء ولما بصيت اشوف ليه لاقيت ست عجوزة اوى نزلة بعكاز ماشاء اللع عليها عندها اصرار تصلى في المسجد مع ان ربنا خفف عنها والله فكرتنى بالشيخ احمد ياسين ربنا يجمعنا بيه فى الجنة

عادى عادى

النهاردة وانا راجعة البيت وكانت المواصلات صعبة اوى وكانه قبل الفطار والناس قاعدوا يتخناقوا مع بعض فى العربية(اتنين منهم)وفجاة "انتوا وجعتلنا دمغنا"كلمة قالها احد الركاب فرد عليه واحد من اللى بيتخانقوا لو كان عجبك قاله ايه انت مش عارف انا مين انا من مباحث العجوزة وقام واخذ يضرب في الشاب والولد تحول من شخص شجاع عايز يتخنا ق ويضرب الى مواطن لا حول له ولا قوة معرض للنفخ فى اى لحظه كما قال له هذا الشخص وطلع الولد يجرى من العربية نافد بجلده زى مابيقولوا صحيح الشعب تحت رحمة الشرطة اصدى الشرطة فى طحن الشعب يوه نسيت بقى

سسسسسسسسسسسسسسسسسسسسسسسسسسسسسسسسسسسسسسسسسسسسسسسسلام