سلامو عليكم:
انا سعيدة جدا
بجد والله رمضان مهما الواحد كان مش مستعد قبل بداية الشهر,مهما كان تعبان ومجهد من كل الاجواء اللى حوليه,مهما كان الاكتئاب موجود من الاحداث المحيطة.
برده رمضان شهر السعادة
الموبيل فصل
انتوا عارفين لما الموبيل بتعكوا بيفصل شحن وبتحاول تروح البيت وتدور علي الشاحن علشان تشحن الموبيل اهو هو رمضان كده بجد والله اول لما بيجى بحس ان انا بتشحن
بتشحن
بتشحن من كل كلمة كل سنة وانتى طيبة اللى بسمعها من الاخوات,بتشحن من كل كلمة كل عام وانتى اللى الله اقرب.من الفوانيس من زينة طعم القرش(اختى الصغيرة)وهى كل شويه رمضان جاى عايزة زينة.
كل سنة وانتوا طبيبن
لكل المسلمين ولكل الاخوان المسلمين طيبين من كل حاجة وحشه طيبين لكل حاجة حلوة طيبين وخلاص
الاجر علي قدر المشقة
حصلت حاجة غريبة انهارده وحنا نزلين بعد الصلاة(من الدور الخامس) كان في زحمة غير طبيعية والناس بتنزل ببطء ولما بصيت اشوف ليه لاقيت ست عجوزة اوى نزلة بعكاز ماشاء اللع عليها عندها اصرار تصلى في المسجد مع ان ربنا خفف عنها والله فكرتنى بالشيخ احمد ياسين ربنا يجمعنا بيه فى الجنة
عادى عادى
النهاردة وانا راجعة البيت وكانت المواصلات صعبة اوى وكانه قبل الفطار والناس قاعدوا يتخناقوا مع بعض فى العربية(اتنين منهم)وفجاة "انتوا وجعتلنا دمغنا"كلمة قالها احد الركاب فرد عليه واحد من اللى بيتخانقوا لو كان عجبك قاله ايه انت مش عارف انا مين انا من مباحث العجوزة وقام واخذ يضرب في الشاب والولد تحول من شخص شجاع عايز يتخنا ق ويضرب الى مواطن لا حول له ولا قوة معرض للنفخ فى اى لحظه كما قال له هذا الشخص وطلع الولد يجرى من العربية نافد بجلده زى مابيقولوا صحيح الشعب تحت رحمة الشرطة اصدى الشرطة فى طحن الشعب يوه نسيت بقى
سسسسسسسسسسسسسسسسسسسسسسسسسسسسسسسسسسسسسسسسسسسسسسسسلام
3 comments:
كل سنة وانت طيبة يا شوشو وكل الاخوات بخير ويارب كلنا نشحن فى هذا الشهر الكريم ويكون معنا رصيد لباقى السنه علشان احنا محتاجين لخطوط مفتوحه مع ربنا
وربنا يتقبل منا ومنك ويبلغنا المغفرة والرحمة والعتق
وانتى طيبة ياامانى واحب اطمئنك ربنا هيستر ان شء الله
أدعوك كما أدعو كل الزوار للمشاركه في فوازير رمضان ..ول زال هناك فرصهللإجابه علي الأسئله إللي فاتت
وكل فزوره أدامك تجاوب عليها لمده عش أيام ويارب تلحق
Post a Comment