السمك لو خرج بره الميه يموت

السمك لو خرج بره البحر يموت

واحدة صحبتى=اوشو= قالتلى ان فى حد كان بينصحها وقالها ان هى لازم تتمسك بالحاجة ديه لان السمك لو خرج بره الميه يموت

ورغم بداهة الامر بتاع السمك ده الا انى قولت لا ده خاص بالسمك ,بس

السمك لو خرج بره اليه يموت وبردو وهو جواها ممكن يموت

السمك مش بس بيموت لما بيخرج لا والله وهو جوه كمان ممكن واحتمال كبير كمان ان هو يموت

يموت ومش شرط الموت يكون معناه فقد الروح وعدم تحرك الجسد لا ده يمكن يكون ابسط انواع الموت

ممكن السمك يموت لما يحس بضعفه

بفقده لهدفه

بفقده لاهميته

ولا ايه

لما يحس ان البحر ولا الميه هى اللى ممكن تلفظه

ممكن تخرجوا براها من غير مايكون عايز

لما يحس ان وجوده فيها زى عدمه

لما يحس ان السمك كله مش زى بعضه

يعنى الحوت مش زى الدولافين

وده مش زى ده

وده مش زى ده

مع انهم فى النهاية سمك

زى ما الميه مهمه للسمك برده البحر من غير سمك ولا حاجة

تخيلوا لوالسمك اللى جوه البحر كله مش والله البحر عمره ما هيبقى ثروة ولا حاجة

ساعات الخروج بره الميه بيكون احسن ياسمك

ساعات خروج السمك من الميه وفقده للروحه بيكون احسن كتير من لو السمك فضل موجود جوه الميه وهو يتحرك بس من غير روح ومن غير ماحد يحس بيه

احب اقول للسمك اوعى تقبل تفضل فى الميه وحياتك ممكن تكون براها افضل كتير من جواها حتى لو كلفك الامر حياتك واسال نيمو
وياريت البحر كمان يحس ان كل سمكه جوه ديه ثروة وانه لازم يقلق لان السمك ممكن يمشى فى اى وقت

سسسسسسسسسسسسسسسسسسسسسسسسسسسسسسلام يابحر